യുവ സംവിധായകന്‍ മനു ജെയിംസ് നിര്യാതനായി

ആലുവ | ആദ്യ സിനിമ റിലീസ് ചെയ്യാനിരിക്കെ, യുവ സംവിധായകന്‍ മനു ജെയിംസ് (31) നിര്യാതനായി. ആലുവയിലെ സ്വകാര്യ അശുപത്രിയില്‍ ചികിത്സയിലിരിക്കെയാണ് മരണം. മഞ്ഞപ്പിത്തമായിരുന്നു.

കോട്ടയം കുറവിലങ്ങാട് ആണ് സ്വദേശം. കുറവിലങ്ങാട് ചിറത്തിടത്തില്‍ ജെയിംസ് ജോസഫിന്റേയും ഏറ്റുമാനൂര്‍ പ്ലാത്തോട്ടത്തില്‍ സിസിലി ജെയിംസിന്റേയും മകനാണ്. കണ്ടനാട് പിട്ടാപ്പിള്ളില്‍ നൈനയാണ് ഭാര്യ. സംസ്‌കാരം ഞായറാഴ്ച കുറവിലങ്ങാട്.

മനു ജെയിംസിന്റെ ആദ്യ സംവിധാനസംരംഭമായ ‘നാന്‍സി റാണി’ ചിത്രീകരണം പൂർത്തിയാക്കി പുറത്തിറങ്ങാനിരിക്കുകയാണ്. സാബുജെയിംസ് സംവിധാനം ചെയ്ത ‘ഐ ആം ക്യൂരിയസ്’ എന്ന ചിത്രത്തിലൂടെ 2004-ല്‍ ബാലതാരമായാണ് മനു ജെയിംസ് സിനിമയിലെത്തുന്നത്.