തൃശൂരില്‍ പൂച്ചയെ രക്ഷിക്കാന്‍ ശ്രമിക്കവെ യുവാവ് കാറിടിച്ച് മരിച്ചു

തൃശൂര്‍  | തൃശൂര്‍ മണ്ണുത്തിയില്‍ റോഡില്‍ കുടുങ്ങിയ പൂച്ചയെ രക്ഷിക്കാന്‍ ശ്രമിക്കുന്നതിനിടെ യുവാവ് കാറിടിച്ച് മരിച്ചു.കാളത്തോട് ചിറ്റിലപ്പള്ളി സിജോ (42) ആണ് മരിച്ചത്. പൂച്ചയെ രക്ഷിക്കാനായി ബൈക്ക് നിര്‍ത്തി റോഡിലേക്ക് ഇറങ്ങിയപ്പോഴായിരുന്നു അപകടം

ബുധനാഴ്ച രാത്രിയാണ് സംഭവം. സിജോയെ തൃശൂരിലുള്ള സ്വകാര്യ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല. മണ്ണുത്തി പോലീസ് സ്ഥലത്തെത്തി സിസിടിവി ദൃശ്യങ്ങള്‍ പരിശോധിച്ചു.

ആശുപത്രിയില്‍ സൂക്ഷിച്ചിരിക്കുന്ന മൃതദേഹം പോസ്റ്റ്‌മോര്‍ട്ടത്തിന് ശേഷം കുടുംബത്തിന് വിട്ടു നല്‍കും