National
തെലുങ്ക് യുവ നടന് സുധീര് വര്മ അന്തരിച്ചു; ആത്മഹത്യയാണെന്ന് പ്രാഥമിക നിഗമനം
വിഷം കഴിച്ചതാണ് സുധീര് വര്മയുടെ മരണത്തിലേക്ക് നയിച്ചതെന്നാണ് റിപ്പോര്ട്ട്.
അമരാവതി| തെലുങ്ക് യുവ നടന് സുധീര് വര്മ (33) അന്തരിച്ചു. ആത്മഹത്യയാണെന്നാണ് പ്രാഥമിക നിഗമനം. വിഷം കഴിച്ചതാണ് സുധീര് വര്മയുടെ മരണത്തിലേക്ക് നയിച്ചതെന്നാണ് റിപ്പോര്ട്ട്. ജനുവരി 10ന് വാറങ്കലില് വെച്ച് സുധീര് വര്മ വിഷം കഴിച്ചിരുന്നു.
തുടര്ന്ന് ഹൈദരാബാദിലെ ബന്ധു വീട്ടില് പോയ സുധീര് വര്മ തന്റെ ആരോഗ്യാവസ്ഥയെക്കുറിച്ച് വെളിപ്പെടുത്തി. പിന്നീട് സുധീര് വര്മയെ ബന്ധുക്കള് ഒസ്മാനിയ ആശുപത്രിയില് പ്രവേശിപ്പിക്കുകയായിരുന്നു.
തുടര്ന്ന് ആരോഗ്യനില വഷളാകുകയായിരുന്നു. പിന്നീട് മഹാറാണിപേട്ട പൊലീസ് സ്റ്റേഷന് പരിധിയിലുള്ള സ്വകാര്യ ആശുപത്രിയിലാണ് പ്രവേശിപ്പിച്ചത്. ചികിത്സയിലിരിക്കെ അദ്ദേഹം തിങ്കളാഴ്ച മരിക്കുകയായിരുന്നു. മൃതദേഹം ബന്ധുക്കള്ക്ക് വിട്ടുകൊടുത്തെന്നും സംസ്കാര ചടങ്ങുകള് നടത്തിയതായും പൊലീസ് അറിയിച്ചു.