Kerala
ആറുകിലോ കഞ്ചാവുമായി യുവാവ് അറസ്റ്റില്‍
പത്തനംതിട്ട പഴകുളം ചരിവുപറമ്പില്‍ വീട്ടില്‍ ബദറുദ്ധീന്‍ (29) ആണ് അറസ്റ്റിലായത്.
പത്തനംതിട്ട | ആറു കിലോ കഞ്ചാവുമായി യുവാവിനെ പോലീസ് പിടികൂടി. പഴകുളം ചരിവുപറമ്പില്‍ വീട്ടില്‍ ബദറുദ്ധീന്‍ (29) ആണ് അറസ്റ്റിലായത്. കൊട്ടാരക്കര ഭാഗത്തുനിന്നും കഞ്ചാവുമായി വന്ന ബൈക്ക് ഡാന്‍സാഫ് സംഘവും ഏനാത്ത് പോലീസും ചേര്‍ന്ന് കഴിഞ്ഞ രാത്രി ഏനാത്ത് പാലത്തിനു സമീപത്ത് നിന്നും കസ്റ്റഡിയിലെടുക്കുകയായിരുന്നു. ബൈക്കും ഷോള്‍ഡര്‍ ബാഗില്‍ സൂക്ഷിച്ച ആറുകിലോ കഞ്ചാവും പിടിച്ചെടുത്തു. ബൈക്കിന്റെ നമ്പര്‍ എളുപ്പം കാണാന്‍ സാധിക്കാത്തവിധം മറച്ച നിലയിലായിരുന്നു.
ജില്ലാ പോലീസ് മേധാവി വി ജി വിനോദ് കുമാറിന് കിട്ടിയ രഹസ്യ വിവരത്തെ തുടര്‍ന്നായിരുന്നു പോലീസിന്റെ സംയുക്ത നീക്കം. മാസങ്ങളായി പ്രതി പോലീസിന്റെ നിരന്തര നിരീക്ഷണത്തിലായിരുന്നു. നര്‍കോട്ടിക് സെല്‍ ഡി വൈ എസ് പി. ഉമേഷ് കുമാറിന്റെ നേതൃത്വത്തിലായിരുന്നു പോലീസ് നീക്കം. ഡാന്‍സാഫ് ടീമും ഏനാത്ത് പോലീസ് ഇന്‍സ്‌പെക്ടര്‍ അമൃത് സിംഗ് നായകത്തിന്റെ നേതൃത്വത്തിലുള്ള സംഘവും ബൈക്ക് തടഞ്ഞു നിര്‍ത്തിയപ്പോള്‍ പ്രതി പോലീസിനെ ആക്രമിക്കാനും ഓടി രക്ഷപ്പെടാനും ശ്രമിച്ചു. തുടര്‍ന്ന് പോലീസ് ഓടിച്ചിട്ട് പിടികൂടി കീഴ്പ്പെടുത്തുകയായിരുന്നു.
ഏനാത്ത് പോലീസ് ഇന്‍സ്‌പെക്ടര്‍ക്കൊപ്പം ഉദ്യോഗസ്ഥരായ സാജന്‍ പീറ്റര്‍, ഷൈന്‍, അമല്‍, യൂനുസ്, സുനില്‍, അടൂര്‍ പോലീസ് സ്റ്റേഷനിലെ ശ്യാം എന്നിവരും ഡാന്‍സാഫ് ടീമിലെ ഉദ്യോഗസ്ഥരുമാണ് ഉണ്ടായിരുന്നത്. പ്രതിയെ കോടതിയില്‍ ഹാജരാക്കി.
Latest
ബഹിരാകാശ കുതിപ്പ് നടത്തി വീണ്ടും യു എ ഇ
ബോബി ചെമ്മണ്ണൂര് ഇന്ന് ജയിലില് നിന്നും ഇറങ്ങിയേക്കും; ഐക്യദാര്ഢ്യ നാടകം തുടര്ന്നാല് ജയില് മേധാവിക്ക് റിപ്പോര്ട്ട് ചെയ്യും
അശോകന് വധക്കേസ്; ശിക്ഷാ വിധി ഇന്നുണ്ടാകും
കടുവ കാണാമറയത്ത് തന്നെ; അമരക്കുനിയില് വീണ്ടും ആടിനെ കൊന്നു
സ്പോര്ട്സ് സ്കൂള് പ്രവേശനം: സെലക്ഷന് ട്രയല്സ് ഈ മാസം
ഇത് കൂട്ടായ്മയുടെ വിജയം; കേരള വോളിക്ക് പുത്തനുണർവായി ദേശീയ കിരീടം
