യൂത്ത് കോണ്‍ഗ്രസ്സ് കോട്ടയം ഗവ. നഴ്‌സിംഗ് കോളജ് മാര്‍ച്ച് അക്രമാസക്തമായി

കോട്ടയം | കോട്ടയം ഗവ. നഴ്‌സിംഗ് കോളജിലേക്ക് യൂത്ത് കോണ്‍ഗ്രസ്സ് നടത്തിയ മാര്‍ച്ച് അക്രമാസക്തമായി. പോലീസിന്റെ കണ്ണുവെട്ടിച്ച് കവാടം തകര്‍ത്ത് കോളജ് വളപ്പിനുള്ളില്‍ കയറാന്‍ ശ്രമിച്ച പ്രവര്‍ത്തകരെ പോലീസ് ബലം പ്രയോഗിച്ച് നീക്കി കസ്റ്റഡിയിലെടുത്തു. ഇതേസമയം പ്രധാന കവാടത്തിന് സമീപത്തെ ബാരിക്കേഡ് പ്രവര്‍ത്തകര്‍ തകര്‍ക്കാന്‍ ശ്രമിച്ചു. ഇവര്‍ക്ക് നേരെ പോലീസ് ജല പീരങ്കി പ്രയോഗിച്ചു. ഇതോടെ സ്ഥലത്ത് പോലീസും പ്രവര്‍ത്തകരും തമ്മില്‍ സംഘര്‍ഷമുണ്ടായി.

തുടര്‍ന്ന് പ്രവര്‍ത്തകരെ പോലീസ് ബലം പ്രയോഗിച്ച് അറസ്റ്റ് ചെയ്ത് നീക്കി. പ്രതിഷേധ സമരം മുന്‍ പ്രതിപക്ഷ നേതാവ് രമേശ് ചെന്നിത്തല ഉദ്ഘാടനം ചെയ്തു. ചാണ്ടി ഉമ്മന്‍ എം എല്‍ എ, ജോസഫ് വാഴക്കന്‍, ഡി സി സി പ്രസിഡന്റ് നാട്ടകം സുരേഷ് നേതൃത്വം നല്‍കി.