കാട്ടുപന്നി ഇടിച്ച സ്‌കൂട്ടര്‍ മറിഞ്ഞ് യൂത്ത് കോണ്‍ഗ്രസ് നേതാവിന് ഗുരുതര പരുക്ക്

അടൂര്‍ |  പറക്കോട്ട് കാട്ടുപന്നി ഇടിച്ച് സ്‌കൂട്ടര്‍ മറിഞ്ഞ് യൂത്ത് കോണ്‍ഗ്രസ് നേതാവിന് ഗുരുതര പരുക്ക്. പറക്കോട് കനാല്‍ റോഡില്‍ ഉച്ചക്ക് നടന്ന അപകടത്തില്‍ മനേഷ് ശങ്കരപള്ളിയില്‍(35) നാണ് പരുക്കേറ്റത്. ഓടിക്കൊണ്ടിരുന്ന സ്‌കൂട്ടര്‍ കാട്ടുപന്നി കുത്തിമറിച്ചിടുകയായിരുന്നു.

സ്‌കൂട്ടര്‍ മറിഞ്ഞ ഉടന്‍ തേറ്റ ഉപയോഗിച്ച് കാട്ടുപന്നി സ്‌കൂട്ടര്‍ വലിച്ചു മാറ്റിയെന്നും മനേഷ് പറഞ്ഞു. വീഴ്ചയില്‍ ഹെല്‍മറ്റ് തെറിച്ചു പോയതിനാല്‍ തലയ്ക്കാണ് ഗുരുതര പരുക്കേറ്റത്. മനീഷിനെ സ്വകാര്യ ആശുപത്രിയില്‍ പ്രവേശിപ്പിച്ചു