ഇടുക്കിയില്‍ ബൈക്ക് അപകടത്തില്‍ യുവാവ് മരിച്ചു

തൊടുപുഴ  | ഇടുക്കി നെടുംകണ്ടം തിങ്കള്‍കാട്ടില്‍ ബൈക്ക് നിയന്ത്രണം വിട്ട് മറിഞ്ഞുണ്ടായ അപകടത്തില്‍ യുവാവ് മരിച്ചു. നെടുംകണ്ടം മഞ്ഞപെട്ടി കുഴിപ്പില്‍ ടോം ആണ് മരിച്ചത്. എതിര്‍ ദിശയില്‍ എത്തിയ സ്വകാര്യ ബസില്‍ ഇടിയ്ക്കാതിരിക്കാന്‍ വെട്ടിച്ചു മാറ്റുന്നതിനിടെ നിയന്ത്രണം നഷ്ടമായി ബൈക്ക് മറിഞ്ഞ് റോഡില്‍ വീഴുകയായിരുന്നു. ഉടന്‍ തന്നെ സമീപത്തെ ആശുപത്രിയില്‍ എത്തിച്ചെങ്കിലും മരണം സംഭവിച്ചു. എറണാകുളത്തെ സ്വകാര്യ സ്ഥാപനത്തില്‍ ജോലി ചെയ്യുന്ന ടോം വീട്ടില്‍ എത്തി തിരികെ മടങ്ങുന്നതിനിടെ ആയിരുന്നു അപകടം