തൃശൂരില്‍ യുവാവ് സുഹൃത്തിന്റെ വെട്ടേറ്റുമരിച്ചു

തൃശൂര്‍ | ഭാര്യയോടൊപ്പം വന്ന യുവാവ് സുഹൃത്തിന്റെ വെട്ടേറ്റുമരിച്ചു. പെരുമ്പിലാവ് സ്വദേശി അക്ഷയ് (27) ആണ് കൊല്ലപ്പെട്ടത്. സംഭവത്തില്‍ ഇവരുടെ സുഹൃത്ത് ലിഷോയ് ഒളിവിലാണ്. അക്ഷയ് ഭാര്യയ്‌ക്കൊപ്പം ലിഷോയിയുടെ വീട്ടില്‍ വന്നിരുന്നു. പിന്നീട് എന്താണ് സംഭവിച്ചതെന്ന് വ്യക്തമല്ല.

ഗുരുവായൂര്‍ സ്വദേശി ബാദുഷയ്ക്കും വെട്ടേറ്റിട്ടുണ്ട്. യുവാക്കള്‍ മൂന്നു പേരും ഒട്ടേറെ ക്രിമിനല്‍ കേസുകളിലെ പ്രതിയാണെന്ന് പോലീസ് പറയുന്നു. അക്ഷയ് ഭാര്യയോടൊപ്പം വന്നത് എന്തിനാണെന്നോ കൊലപാതകത്തിലേക്ക് നയിച്ചതെന്താണെന്നോ വ്യക്തമല്ലെന്നു പോലീസ് പറഞ്ഞു.