National
ഹരിയാനയിലെ ഗുരുഗ്രാമില്‍ യുവാവ് വെടിയേറ്റ് മരിച്ചു
വെള്ളിയാഴ്ച പുലര്‍ച്ചെയാണ് രണ്ട് പേരുമായുള്ള തര്‍ക്കത്തെ തുടര്‍ന്ന് യുവാവ് വെടിയേറ്റ് മരിച്ചത്
ഗുരുഗ്രാം| ഹരിയാനയിലെ ഗുരുഗ്രാമില്‍ യുവാവ് വെടിയേറ്റ് മരിച്ചു. ഭീം നഗറില്‍ ഡി.ജെ ഓപ്പറേറ്ററുടെ കൂടെ ജോലി ചെയ്തിരുന്ന ആശിഷ് (20) ആണ് കൊല്ലപ്പെട്ടത്. വെള്ളിയാഴ്ച പുലര്‍ച്ചെയാണ് രാംലീല പന്തലിന് പിന്നില്‍ രണ്ട് പേരുമായുള്ള തര്‍ക്കത്തെ തുടര്‍ന്ന് യുവാവ് വെടിയേറ്റ് മരിച്ചത്. പോലീസ് സ്ഥലത്തെത്തി ആശിഷിനെ ആശുപത്രിയിലെത്തിച്ചെങ്കിലും ഡോക്ടര്‍മാര്‍ മരണം സ്ഥിരീകരിച്ചു.
വ്യാഴാഴ്ച രാത്രി സുഹൃത്ത് കരണിനൊപ്പം ആശിഷ് രാംലീല കാണാന്‍ പോയിരുന്നതായി ആശിഷിന്റെ ബന്ധു സൂരജ് നല്‍കിയ പരാതിയില്‍ പറയുന്നു. പുലര്‍ച്ചെ ഒരു മണിയോടെയാണ് ആശിഷിന് വെടിയേറ്റതായി സൂരജിന് വിവരം ലഭിച്ചത്. പരാതിയുടെ അടിസ്ഥാനത്തില്‍, ഇന്ത്യന്‍ ശിക്ഷാ നിയമത്തിലെ സെക്ഷന്‍ 302, 34 പ്രകാരവും ആയുധ നിയമപ്രകാരവും സുഹൃത്തുക്കളായ നിഷിക്കും രോഹനുമെതിരെ എഫ്.ഐ.ആര്‍ രജിസ്റ്റര്‍ ചെയ്തിട്ടുണ്ടെന്ന് പോലീസ് അറിയിച്ചു.
അതേസമയം മരണ കാരണം വ്യക്തമായിട്ടില്ല. പ്രതികള്‍ ഒളിവിലാണെന്നും ഉടന്‍ അറസ്റ്റ് ചെയ്യുമെന്നും അന്വേഷണ ഉദ്യോഗസ്ഥനായ സബ് ഇന്‍സ്‌പെക്ടര്‍ ബഹി റാം കതാരിയ പറഞ്ഞു.
Latest
മുഹമ്മദന്‍സിനെ വീഴ്ത്തിയത് മൂന്ന് ഗോളിന്; മിന്നും ജയവുമായി കേരള ബ്ലാസ്‌റ്റേഴ്‌സ്
ന്യൂനപക്ഷ വര്‍ഗീയതയെ വിമര്‍ശിക്കുമ്പോള്‍ അസഹിഷ്ണുത കാണിക്കുന്നവരോട് സഹതാപം മാത്രം; നിലപാട് ആവര്‍ത്തിച്ച് എ വിജയരാഘവന്‍
മസ്ജിദുന്നബവിയില്‍ വിശുദ്ധ ഖുര്‍ആനും -ഹദീസും മനഃപാഠമാക്കാനുള്ളവരുടെ എണ്ണത്തില്‍ വര്‍ധനവ്
ജോലിക്കിടെ കണ്ണിലേക്ക് ആണി തുളച്ചു കയറി; അടിയന്തിര ശസ്ത്രക്രിയയിലൂടെ കാഴ്ച തിരികെ ലഭിച്ചു
ശബരിമലയില്‍ ശനിയാഴ്ച വരെ ദര്‍ശനത്തിനെത്തിയത് 28,93,210 പേര്‍
അല്ലു അര്‍ജുന്റെ വീടിന് നേരെ ആക്രമണം; എട്ട് പേര്‍ അറസ്റ്റില്‍
