Kasargod
കാരുണ്യപ്രവര്‍ത്തനങ്ങളുമായി മാവിലിടം ബ്രദേഴ്‌സ്‌
ചെറുവത്തൂര്‍: സഹജീവികളുടെ കഷ്ടപ്പാടുകള്‍ കണ്ടറിഞ്ഞ് സഹായ ഹസ്തവുമായി സമൂഹത്തില്‍ പ്രവര്‍ത്തിച്ചുവരുന്ന വലിയപറമ്പ മാവിലാടം ബ്രദേര്‍സ് ചാരിറ്റബിള്‍ സൊസൈറ്റി, റിലീഫ് പ്രവര്‍ത്തനങ്ങളില്‍ സജീവമാകുന്നതിന്റെ ഭാഗമായി വിവിധ കാരുണ്യ പ്രവര്‍ത്തനങ്ങള്‍ക്ക് തുടക്കം കുറിച്ചതായി ഭാരവാഹികള്‍ പത്രസമ്മേളനത്തില്‍ അറിയിച്ചു.
സൊസൈറ്റിയുടെ ഓഫീസ് ഉദ്ഘാടനം ഈമാസം 15ന് നടക്കുന്നതോടൊപ്പം വാര്‍ഷിക പരിപാടിയുടെ ഭാഗമായി വൃക്കരോഗം ബാധിച്ച് ചികിത്സയില്‍ കഴിയുന്ന രോഗിക്ക് സാമ്പത്തിക സഹായം നല്‍കിയും അഞ്ച് നിര്‍ധനരായ പെണ്‍കുട്ടികളുടെ വിവാഹ സഹായം, അഞ്ചുപേര്‍ക്ക് വീടുവെക്കാനുള്ള ധന സഹായം, ഹജ്ജ് പഠന ക്യാമ്പ്, ഓണക്കിറ്റ് വിതരണം സാംസ്‌കാരിക പരിപാടികള്‍ തുടങ്ങിയവയും സംഘടിപ്പിക്കുന്നു. രണ്ടു വര്ഷം മുമ്പായൊഇ രൂപംകൊണ്ട ഈ വട്‌സപ്പ് കൂട്ടായ്മ കാരുണ്യ പ്രവര്ത്തന മേഖലകളില്‍ ഇതിനകം ഒന്‍പത് ലക്ഷം രൂപയുടെ സഹായങ്ങള്‍ ചെയ്തിട്ടുണ്ടെന്ന് ഭാരവാഹികള്‍ പറഞ്ഞു.
വൃക്ക രോഗം മൂലം ചികിത്സയിലുള്ള തൃക്കരിപ്പൂര്‍ വടക്കുമ്പാടെ എ ജി മുനീറിന് ഒരു ലക്ഷം രൂപയുടെ സഹായം സഹോദരനെ ഏല്‍പ്പിച്ചു.
സ്‌കൂള്‍ പ്രവേശനോത്സവത്തിന്റെ ഭാഗമായി മാവിലാകടപ്പുറം എം എ യു പി സ്‌കൂളില്‍ ശൗചാലയം പുനര്‍നിര്‍മാണം ചെയ്തു നല്‍കി. വരുംനാളുകളില്‍ ജാതിമത-രാഷ്ട്രീയ ഭേദമന്യേ സൊസൈറ്റിയുടെ പ്രവര്‍ത്തനം കൂടുതല്‍ പാവങ്ങള്‍ക്ക് ലഭിക്കത്തക്ക പരിപാടികള്‍ ആസൂത്രണം ചെയ്തുവരികയാണെന്ന് ഭാരവാഹികള്‍ പറഞ്ഞു.
പത്രസമ്മേളനത്തില്‍ ടി സി അഹമ്മദ്, എം ടി ഷഫീഖ്, എം ടി ഗഫൂര്‍, ടി കെ അശ്‌റഫ്, ഇ ടി സാദിഖ്, എ ടി മുഹമ്മദലി എന്നിവര്‍ പങ്കെടുത്തു.
Latest
തൃപ്പൂണിത്തുറ അനധികൃത പടക്ക സംഭരണ കേന്ദ്രത്തിലെ സ്ഫോടനം; 10 പ്രതികള്‍ക്ക് ജാമ്യം
ഇരട്ട വോട്ട് ചെയ്യാനെത്തിയ യുവതിയെ തിരിച്ചയച്ചു
ഇന്റര്‍മീഡിയറ്റ് പരീക്ഷയില്‍ തോറ്റു; തെലങ്കാനയില്‍ ഏഴ് വിദ്യാര്‍ത്ഥികള്‍ ആത്മഹത്യ ചെയ്തു
ഇപി ജയരാജന്‍ കണ്‍വീനര്‍ സ്ഥാനം രാജിവെക്കണം; എംഎം ഹസ്സന്‍
ബിഹാറിലെ വിവാഹ പന്തലില്‍ വന്‍ തീപിടിത്തം; മൂന്ന് കുട്ടികളടക്കം ആറ് പേര്‍ മരിച്ചു
സംസ്ഥാനത്ത് ഇത്തവണയും ബിജെപി അക്കൗണ്ട് തുറക്കില്ല ;എംഎ ബേബി
