Gulf
സൂര്യാഘാത ബോധവത്കരണം; 2000ല്‍ പരം തൊഴിലാളികള്‍ പങ്കെടുത്തു
റാസല്‍ ഖൈമ: തൊഴില്‍, ആരോഗ്യ, പൊതുമരാമത്ത് മന്ത്രാലയങ്ങളുടെ നിയന്ത്രണത്തില്‍ റാസല്‍ ഖൈമയില്‍ ഇന്ത്യക്കാരുടെ കൂട്ടായ്മയായ “റാക് ഇന്ത്യന്‍ കമ്യൂണിറ്റി ഫോറം” സൂര്യാഘാത ബോധവത്കരണം നടത്തി. ഇത് 2000ല്‍ പരം തൊഴിലാളികള്‍ക്ക് പ്രയോജനമായി. ആരോഗ്യ മന്ത്രാലയത്തിലെ വിദഗ്ധര്‍ സൂര്യാഘാതത്തെക്കുറിച്ചും മുന്‍കരുതലുകളെക്കുറിച്ചും സൂര്യാഘാതം ഏറ്റാല്‍ ഉടനടി കൈക്കൊള്ളേണ്ട നടപടികളെക്കുറിച്ചും ബോധവത്കരണം നടത്തി.
റാസല്‍ ഖൈമ ആരോഗ്യ മന്ത്രാലയം ഡയറക്ടര്‍ ഡോ. അബ്ദുല്ല അഹമ്മദ് അല്‍ നയ്മി ഉദ്ഘാടനം ചെയ്തു. റാസല്‍ ഖൈമ പൊതുമരാമത്ത് വകുപ്പ് ഡയറക്ടര്‍ അഹ്മദ് അല്‍ ഹമാദി, തൊഴില്‍ മന്ത്രാലയം പരിശോധനാ വിഭാഗം മേധാവി ജമാല്‍ അല്‍ ശംസി, ആരോഗ്യ മന്ത്രാലയത്തിലെ ആരോഗ്യ വിദ്യാഭ്യാസ വകുപ്പ് മേധാവി മെഹറ അല്‍ സിറായ്, ആഭ്യന്തര മന്ത്രാലയ പ്രതിനിധികള്‍ പങ്കെടുത്തു.
ഈ ബോധവത്കരണത്തില്‍ പങ്കെടുത്ത 2000ല്‍ പരം തൊഴിലാളികള്‍ക്കും കുടിവെള്ളവും ശീതള പാനീയവും പഴവര്‍ഗങ്ങള്‍ അടങ്ങുന്ന കിറ്റുകളും, ടീഷര്‍ട്ടുകളും വെയിലിനെ തടയുവാനുള്ള തൊപ്പികളും സൂര്യാഘാതം ഏല്‍ക്കാതിരിക്കാനുള്ള നടപടികള്‍ വിശദീകരിക്കുന്ന ലഘുലേഖകളും വിതരണം ചെയ്തു.
ശ്രീധരന്‍ പ്രസാദ്, എ കെ സേതുനാഥ്, ടി വി അബ്ദുല്ല, ബേബി തങ്കച്ചന്‍, എ എം എം നൂറുദ്ദീന്‍, അബ്ദുല്‍ നാസര്‍, കമറുദ്ദീന്‍ തുടങ്ങിയവര്‍ നേതൃത്വം നല്‍കി.
Latest
'കൂട്ടുപ്രതിയെ തള്ളിപ്പറഞ്ഞ് ഒന്നാം പ്രതി രക്ഷപ്പെടാന്‍ ശ്രമിക്കുന്നു'; മുഖ്യമന്ത്രിക്കെതിരെ വി ഡി സതീശന്‍
വിവി പാറ്റ് കേസിലെ സുപ്രീംകോടതി വിധി സ്വാഗതം ചെയ്ത് പ്രധാനമന്ത്രി നരേന്ദ്രമോദി
വനിതാ ഹോസ്റ്റലില്‍ നിന്നും 1.3കിലോ കഞ്ചാവ് പിടികൂടി; രണ്ട് പേര്‍ അറസ്റ്റില്‍
മോദി പരിഭ്രാന്തിയില്‍, താമസിയാതെ വേദിയില്‍ പൊട്ടിക്കരഞ്ഞേക്കും: രാഹുല്‍
കോഴിക്കോട് കക്കാടംപൊയിലില്‍ വോട്ട് ചെയ്യാന്‍ പോയ കുടുംബം സഞ്ചരിച്ച കാര്‍ കത്തി നശിച്ചു
തൃപ്പൂണിത്തുറ അനധികൃത പടക്ക സംഭരണ കേന്ദ്രത്തിലെ സ്ഫോടനം; 10 പ്രതികള്‍ക്ക് ജാമ്യം
