Palakkad
കാണാതായ പെണ്‍കുട്ടിയെ ചെന്നൈ എഗ്മൂര്‍ എക്‌സ്പ്രസില്‍ കണ്ടെത്തി
പാലക്കാട്: പത്താംക്ലാസ് വിദ്യാര്‍ഥിനിയെ കാണാതായി. സംഭവം അറിഞ്ഞയുടന്‍ ഉണര്‍ന്നു പ്രവര്‍ത്തിച്ച പോലീസ് കുട്ടിയെ ട്രെയിനില്‍ കണ്ടെത്തി. ഇന്നലെ രാവിലെ മങ്കര പോലീസ് സ്‌റ്റേഷന്‍ പരിധിയിലാണ് സംഭവം. രാവിലെ വീട്ടില്‍ നിന്നിറങ്ങിയ കുട്ടിയെ കാണാതാവുകയായിരുന്നു. ഉടന്‍ തന്നെ ബന്ധുക്കള്‍ മങ്കര പോലീസില്‍ ഫോട്ടോയുമായെത്തി വിവരം നല്‍കി. എസ്.ഐ എന്‍.കെ. പ്രകാശ് ഉടനടി പെണ്‍കുട്ടിയുടെ ഫോട്ടോ പോലീസ് സ്‌റ്റേഷനുകളിലേക്കും ആര്‍ പി എഫിനും വാട്ട്‌സ് അപ്പ് വഴി അയച്ചു. വിവരങ്ങളും കൈമാറി. ഇതോടെ ആര്‍ പി എഫ് കമാണ്ടന്റ് സി രാമദാസിന്റെ നിര്‍ദേശപ്രകാരം ട്രെയിനുകളില്‍ പരിശോധന ആരംഭിച്ചു.
ഉച്ചക്ക് രണ്ടുമണിയോടെ ആര്‍.പി.എഫ് എസ് ഐ ക്ലാരിവത്സ, എ എസ് എ എം കെ ഉണ്ണികൃഷ്ണന്‍, ഹെഡ്‌കോണ്‍സ്റ്റബിള്‍ സജി അഗസ്റ്റിന്‍ എന്നിവരടങ്ങിയ സംഘം കുട്ടിയെ മംഗലാപുരം-ചെന്നൈ എഗ്മൂര്‍ ലിങ്ക് എക്‌സ്പ്രസില്‍ കണ്ടെത്തി. ഒറ്റപ്പാലത്തുനിന്നും തൃശ്ശിനാപ്പള്ളിയിലേക്കുള്ള ടിക്കറ്റെടുത്ത് വണ്ടിയുടെ മുന്നിലെ ജനറല്‍ കമ്പാര്‍ട്ടുമെന്റിലാണ് പെണ്‍കുട്ടി കയറിയിരുന്നത്.
ഇതിനിടെ മുഴുവന്‍ പോലീസ് സംവിധാനങ്ങളും പരിശോധനകളുമായി രംഗത്തെത്തിയിരുന്നു. സ്‌കൂളിലേക്ക് പോകാതെ പെണ്‍കുട്ടി ബസില്‍ കയറി ഒറ്റപ്പാലത്തെത്തിയാണ് ട്രെയിനില്‍ കയറിയതെന്ന് പോലീസ് പറഞ്ഞു.
Latest
അന്താരാഷ്ട്ര ഫുട്‌ബോളില്‍ ഈ വര്‍ഷം കൂടി മാത്രം; വിരമിക്കലിനൊരുങ്ങി മാര്‍ത്ത
സല്‍മാന്‍ ഖാന്റെ വസതിക്കു നേരെ വെടിവെപ്പ്: പ്രതികളെ ചോദ്യം ചെയ്ത് എന്‍ ഐ എ
സംസ്ഥാനത്ത് മൂന്ന് ജില്ലകളില്‍ മൂന്ന് ദിവസം ഉഷ്ണതരംഗ മുന്നറിയിപ്പ്; 12 ജില്ലകളില്‍ മഞ്ഞ ജാഗ്രത
ഡ്രെഡ്ജര്‍ അഴിമതി കേസ്: മുന്‍ ഡി ജി പി. ജേക്കബ് തോമസിനെതിരായ അന്വേഷണത്തിന് സമയം നീട്ടി നല്‍കി സുപ്രീം കോടതി
വോട്ടെടുപ്പ്: സംസ്ഥാനത്ത് വിവിധ ഇടങ്ങളില്‍ അഞ്ചുപേര്‍ കുഴഞ്ഞുവീണ് മരിച്ചു
പത്തനംതിട്ടയില്‍ വോട്ട് ചെയ്തപ്പോള്‍ ചിഹ്നം മാറിയെന്ന് പരാതി
