Organisation
ഡല്‍ഹി മര്‍കസും സോണ്‍ എസ് എസ് എഫും സംയുക്തമായി മീലാദ് ക്യാമ്പയിന്‍ ആചരിക്കുന്നു
ന്യൂഡല്‍ഹി: മര്‍കസ് ഡല്‍ഹി ചാപ്റ്ററും എസ് എസ് എഫ് ഡല്‍ഹി സോണ്‍ കമ്മിറ്റിയും സംയുക്തമായി മീലാദ് ക്യാമ്പയിന്‍ ആചരിക്കുന്നു. ക്യാമ്പയിന്റെ ഭാഗമായി മൗലിദ് പാരായണം, പ്രകീര്‍ത്തന സദസ്സുകള്‍. പ്രവാചക പഠന ക്യാമ്പുകള്‍, വിശുദ്ധ ഖുര്‍ആന്‍ പരിചയപ്പെടുത്തുന്ന പ്രോഗ്രാമുകള്‍, വിവിധ തലങ്ങളിലെ വിദ്യാര്‍ഥികള്‍ക്കായി സാഹിത്യ രചനാ മത്സരങ്ങള്‍ തുടങ്ങിയവ സംഘടിപ്പിക്കും. ക്യാമ്പയിന്റെ സമാപനം ഫ്രെബ്രുവരി ഏഴിന് “വസന്തം 2016” എന്നപേരില്‍ ന്യൂഡല്‍ഹിയിലെ മുഴുവന്‍ സംഘടനാ കുടുംബത്തേയും സംഘടിപ്പിച്ച് വിപുലമായ പ്രോഗ്രാം സംഘടിപ്പിക്കുമെന്ന് ഭാരവാഹികള്‍ പറഞ്ഞു. ജെന്‍യു ഐയിസ്, ഐ ഐ ടി, ജാമിഅ മില്ലിയ, ഡല്‍ഹി യൂനിവേഴ്‌സിറ്റി, ഹംദര്‍ദ് യൂനിവേഴ്‌സിറ്റി, അംബേദ്കര്‍ യൂനിവേഴ്‌സിറ്റി എന്നിവിടങ്ങളിലെ മലയാളി വിദ്യാര്‍ഥികളെയും വിവിധ സ്‌കൂളുകളില്‍ പഠിക്കുന്ന മലയാളി സ്‌കൂള്‍ കുട്ടികളെയും സംഘടിപ്പിച്ച് കേരളത്തിലെ സാഹിത്യോത്സവ് മാതൃകയിലാണ് വസന്തം 2016 സംഘടിപ്പിക്കുന്നത്. വസന്തം 2016ന്റെ ലോഗോ പ്രകാശനം ശാഹുല്‍ ഹമീദ് ബാഖവി ശാന്തപുരവും ക്യാമ്പയിന്റെ ഭാഗമായി നിര്‍മിച്ച വെബ്‌സൈറ്റ് ജാമിഅമില്ലിയ സര്‍വകലാശാല അസിസ്റ്റന്റ് പ്രൊഫസര്‍ അശ്‌റഫ് ഇല്യാസും ഡല്‍ഹി മര്‍കസില്‍ സംഘടിപ്പിച്ച ചടങ്ങില്‍ പ്രകാശനം ചെയ്തു. നിയാസ് സഖാഫി മാന്‍കടവു, എസ് എസ് എഫ് ഡല്‍ഹി സോണ്‍ ജന. സെക്രട്ടറി അഫ്‌സല്‍ മൂസ, ജാഫര്‍ നൂറാനി, ഹൈദര്‍ നൂറാനി തുടങ്ങിയവര്‍ പങ്കെടുത്തു.
Latest
'കൂട്ടുപ്രതിയെ തള്ളിപ്പറഞ്ഞ് ഒന്നാം പ്രതി രക്ഷപ്പെടാന്‍ ശ്രമിക്കുന്നു'; മുഖ്യമന്ത്രിക്കെതിരെ വി ഡി സതീശന്‍
വിവി പാറ്റ് കേസിലെ സുപ്രീംകോടതി വിധി സ്വാഗതം ചെയ്ത് പ്രധാനമന്ത്രി നരേന്ദ്രമോദി
വനിതാ ഹോസ്റ്റലില്‍ നിന്നും 1.3കിലോ കഞ്ചാവ് പിടികൂടി; രണ്ട് പേര്‍ അറസ്റ്റില്‍
മോദി പരിഭ്രാന്തിയില്‍, താമസിയാതെ വേദിയില്‍ പൊട്ടിക്കരഞ്ഞേക്കും: രാഹുല്‍
കോഴിക്കോട് കക്കാടംപൊയിലില്‍ വോട്ട് ചെയ്യാന്‍ പോയ കുടുംബം സഞ്ചരിച്ച കാര്‍ കത്തി നശിച്ചു
തൃപ്പൂണിത്തുറ അനധികൃത പടക്ക സംഭരണ കേന്ദ്രത്തിലെ സ്ഫോടനം; 10 പ്രതികള്‍ക്ക് ജാമ്യം
