Kottayam
ജോസ് ടോം പുലിക്കുന്നേല്‍ യു ഡി എഫ് സ്ഥാനാര്‍ഥി
പാലാ: തര്‍ക്കങ്ങള്‍ക്കും അവ്യക്തതകള്‍ക്കുമൊടുവില്‍ പാലാ നിയോജക മണ്ഡലം ഉപതിരഞ്ഞെടുപ്പില്‍ ജോസ് ടോം പുലിക്കുന്നേലല്‍ യു ഡി എഫ് സ്ഥാനാര്‍ഥിയാകും. കേരളാ കോണ്‍ഗ്രസ് എം ഉന്നതാധികാരി സമിതി അംഗമായ ടോം ജോസിന്‍റെ പേര് യുഡിഎഫ് ഉപസമിതിയാണ് നിര്‍ദ്ദേശിച്ചത്. യു ഡി എഫ് നേതാക്കള്‍ ഇക്കാര്യം ഔദ്യോഗികമായി പ്രഖ്യാപിച്ചു.
മാണി കുടുംബത്തില്‍ നിന്ന് ആരും മത്സരിക്കില്ലെന്നും പാലായില്‍ നിന്നുള്ള ഒരു നേതാവാകും സ്ഥാനാര്‍ത്ഥിയെന്നും ചാഴികാടന്‍ പറഞ്ഞിരുന്നു.
അതേ സമയം, പി ജെ ജോസഫിന്റെ എതിര്‍പ്പിനെ തുടര്‍ന്ന് നിഷയെ സ്ഥാനാര്‍ഥിയാക്കിയില്ലെങ്കിലും ജോസഫ് പുറത്താക്കിയ ജോസ് ടോമിനെ സ്ഥാനാര്‍ഥിയാക്കിയത് ശ്രദ്ധേയമായി. സ്ഥാനാര്‍ഥി പ്രഖ്യാപനത്തില്‍ അതൃപ്തി പ്രകടിപ്പിച്ചെങ്കിലും യു ഡി എഫ് തീരുമാനത്തെ അംഗീകരിക്കുമെന്നാണ് പി ജെ ജോസഫ് പ്രതികരിച്ചത്.
ചിഹ്നം ഏതായാലും താന്‍ മത്സരിക്കാന്‍ തയ്യാറാണെന്നും കെ എം മാണിയുടെ ചിത്രം വച്ചാലും കോണ്‍ഗ്രസ് സ്ഥാനാര്‍ഥി പാലായില്‍ വിജയിക്കുമെന്നും ജോസ് ടോം പറഞ്ഞു.
ഇടമറ്റം പുലിക്കുന്നേല്‍ കുടുംബാംഗമായ ജോസ് ടോം പത്ത് വര്‍ഷം മീനച്ചില്‍ പഞ്ചായത്ത് മുന്‍ അംഗമായിരുന്നു. മീനച്ചില്‍ സഹകരണ ബാങ്ക് പ്രസിഡന്റാണ്.
Latest
കൊച്ചിയില്‍ വീണ്ടും കേബിള്‍ കഴുത്തില്‍ കുരുങ്ങി അപകടം; ബൈക്ക് യാത്രികരുടെ ജീവന്‍ രക്ഷപ്പെട്ടത് തലനാരിഴക്ക്
പൂരം കലക്കല്‍ റിപ്പോര്‍ട്ട്: സര്‍ക്കാര്‍ ഹിന്ദുസമൂഹത്തെ അപമാനിക്കുന്നു- വി മുരളീധരന്‍
അമിത്ഷായുടെ അംബേദ്കര്‍ വിരുദ്ധ പരാമര്‍ശം; കേരളത്തിലെ സിപിഎമ്മിന്റെ നിലപാട് ദുരുപധിഷ്ഠം: ആന്റോ ആന്റണി എംപി
അടുത്ത വര്‍ഷം മാര്‍ച്ച് മുതല്‍ സഊദികള്‍ക്ക് ബെലാറസിലേക്ക് ഇ-വിസ സൗകര്യം
സി പി എമ്മിന്റെ പൊയ്മുഖം അഴിഞ്ഞു വീണെന്ന് പ്രതിപക്ഷ നേതാവ്
വാഹന നിർമാതാക്കളായ ഹോണ്ടയും നിസ്സാനും ലയിക്കുന്നു; ധാരണാപത്രം ഒപ്പുവെച്ചു
