National
ഡല്‍ഹി സ്‌ഫോടനം: ഇസ്‌റാഈല്‍ എംബസിക്ക് സമീപത്ത് നിന്ന് സംശയാസ്പദമായ കത്ത് കണ്ടെത്തി
ന്യൂഡല്‍ഹി | ന്യൂഡല്‍ഹി അബ്ദുല്‍ കലാം റോഡിലെ ഇസ്‌റാഈല്‍ എംബസിക്ക് സമീപമുണ്ടായ ചെറു സ്‌ഫോടനത്തില്‍ അന്വേഷണം ഊര്‍ജിതമാക്കി. ഇസ്‌റാഈല്‍ അംബാസഡര്‍ക്ക് അയച്ച ഒരു കത്ത് സ്‌ഫോടന സ്ഥലത്ത് നിന്ന് കണ്ടെടുത്തിട്ടുണ്ട്. ഇതിന് സ്‌ഫോടനവുമായി ബന്ധമുണ്ടോ എന്നറിയാന്‍ പോലീസ് ഫോറന്‍സിക് പരിശോധനക്ക് അയച്ചിരിക്കുകയാണ്. ഇറാന്‍ സംഘടനകള്‍ക്ക് സ്‌ഫോടനത്തില്‍ ബന്ധമുണ്ടെന്ന് സംശയിക്കത്തക്ക വിവരങ്ങള്‍ കത്തിലുണ്ടെന്നാണ് സൂചന. സ്‌ഫോടനത്തില്‍ അജ്ഞാതരായ ആളുകള്‍ക്ക് എതിരെ ഡല്‍ഹി പോലീസിന്റെ സ്‌പെഷ്യല്‍ സെല്‍ എഫ്‌ഐആര്‍ രജിസ്റ്റര്‍ ചെയ്തിട്ടുണ്ട്.
സ്‌ഫോടനത്തെ കുറിച്ച് അന്വേഷിക്കാന്‍ ഇസ്‌റാഈലില്‍ നിന്നുള്ള അന്വേഷണ സംഘം ഉടന്‍ ഡല്‍ഹിയിലെത്തും. ഭീകരാക്രമണമെന്നാണ് ഇസ്‌റാഈല്‍ സ്‌ഫോടനത്തോട് പ്രതികരിച്ചത്. ഇറാന്‍ സംഘടനകള്‍ക്ക് സ്‌ഫോടനത്തില്‍ പങ്കുണ്ടോ എന്ന കാര്യവും പോലീസ് അന്വേഷിച്ചുവരികയാണ്. മൊസാദ് അടക്കം ഇസ്‌റാഈലിന്റെ രഹസ്യാന്വേഷണ വിഭാഗങ്ങളുമായി പോലീസ് ബന്ധപ്പെടുന്നുണ്ട്.
പ്രദേശത്ത് നിന്നുള്ള സി സി ടിവി ദൃശ്യങ്ങളും പോലീസ് നിരീക്ഷിക്കുന്നുണ്ട്. സംശയാസ്പദമായ കാറിനെ കുറിച്ചുള്ള കൂടുതല്‍ വിവരങ്ങള്‍ കണ്ടെത്തുവാനാണ് പോലീസ് ശ്രമിക്കുന്നത്. സ്‌ഫോടക വസ്തുവിന്റെ അവശിഷ്ടങ്ങള്‍ ഫോറന്‍സിക് പരിശോദനക്ക് അയച്ചിട്ടുണ്ട്.
വെള്ളിയാഴ്ച വൈകീട്ട് അഞ്ച് മണിയോടെയാണ് ഇസ്‌റാഈല്‍ എംബസിക്ക് സമീപം സ്‌ഫോടനം നടന്നത്. ഇസ്‌റാഈല്‍ എംബസിക്ക് മുന്നിലൂടെ കടന്നു പോയ ഒരു കാറില്‍ നിന്ന് പ്ലാസ്റ്റിക്കില്‍ പൊതിഞ്ഞ സ്‌ഫോടക വസ്തു എംബസിക്ക് നേരെ എറിയുകയായിരുന്നു. എംബസിക്ക് കേവലം 150 മീറ്റര്‍ അകലെയാണ് ഐഇഡി പൊട്ടിത്തെറിച്ചത്. സംഭവത്തില്‍ നിരവധി കാറുകളുടെ ചില്ലുകള്‍ തകര്‍ന്നിരുന്നു.
Latest
മണ്ഡലകാല പൂജ; ശബരിമല നട തുറന്നു
വയനാട് ദുരന്തം: കേന്ദ്ര അവഗണനക്കെതിരെ സി പി ഐ നവംബര്‍ 21ന് പ്രതിഷേധ മാര്‍ച്ചുകള്‍ സംഘടിപ്പിക്കും
2018ല്‍ പാലക്കാട് വീട് വാങ്ങി; ഈ വീടിന്റെ പേരില്‍ വോട്ടര്‍ ഐ ഡിക്ക് അപേക്ഷിച്ചാല്‍ എന്താണ് തെറ്റെന്ന് സരിന്‍
പ്രധാനമന്ത്രിയുടെ വിമാനത്തിന് സാങ്കേതികത്തകരാര്‍; ഡല്‍ഹിയിലേക്കുള്ള തിരിച്ചുപോക്ക് വൈകും
വയനാട് കേന്ദ്രസഹായം: കെ വി തോമസ് പാര്‍ട്ടിക്കൊപ്പം തലച്ചോറും മാറിയോയെന്ന് വി മുരളീധരന്‍
കേളകത്തെ വാഹനാപകടം; മരിച്ച അഭിനേത്രികളുടെ കുടുംബങ്ങള്‍ക്ക് അടിയന്തര ധനസഹായം നല്‍കും: സജി ചെറിയാന്‍
