കേരള കോണ്‍ഗ്രസ് എമ്മിന്റെ പേര് ദുരുപയോഗം ചെയ്തു; ജോസഫ് പക്ഷത്തിനെതിരെ പോലീസില്‍ പരാതി

കോട്ടയം | കേരള കോണ്‍ഗ്രസ് എമ്മിന്റെ പേര് ദുരുപയോഗം ചെയ്തുവെന്ന് ചൂണ്ടിക്കാട്ടി ജോസ് കെ മാണി വിഭാഗം പോലീസില്‍ പരാതി നല്‍കി. മോന്‍സ് ജോസഫ് നടത്തുന്ന ട്രാക്ടര്‍ റാലിയില്‍ കേരള കോണ്‍ഗ്രസ് എമ്മിന്റെ പേര് ഉപയോഗിച്ചുവെന്നാണ് പരാതിയില്‍ പറയുന്നത്. ജോസ് പക്ഷം ജില്ലാ പ്രസിഡന്റ് സണ്ണി തെക്കേടമാണ് ഇക്കാര്യം ചൂണ്ടിക്കാട്ടി കോട്ടയം ജില്ലാ പോലീസ് മേധാവിക്ക് പരാതി നല്‍കിയത്.

പാര്‍ട്ടിയുടെ പേരും ചിഹ്നവും തമ്മിലുള്ള തര്‍ക്കത്തില്‍ ജോസ് പക്ഷത്തിന് അനുകൂലമായ നിലപാട് തിരഞ്ഞെടുപ്പ് കമ്മിഷനും ഹൈക്കോടതിയും സ്വീകരിച്ചിരുന്നു. കടുത്തുരുത്തിയില്‍ മോന്‍സ് ജോസഫ് നടത്തുന്ന ട്രാക്ടര്‍ റാലിയില്‍ കേരള കോണ്‍ഗ്രസ് എം (ജോസഫ് വിഭാഗം) എന്ന പേരാണ് ഉപയോഗിച്ചത്. ഇത് അനുവദിക്കാനാകില്ലെന്നാണ് ജോസ് പക്ഷത്തിന്റെ നിലപാട്‌