പ്രധാനമന്ത്രി കൊവിഡ് വാക്‌സിന്‍ സ്വീകരിച്ചു

ന്യൂഡല്‍ഹി | പ്രധാനമന്ത്രി നരേന്ദ്ര മോദി കൊവിഡ് വാക്‌സിന്‍ സ്വീകരിച്ചു. രാവിലെ ഡല്‍ഹി എയിംസിലെത്തിയാണ് മോദി വാക്‌സിന്റെ ആദ്യ ഡോസ് സ്വീകരിച്ചത്. ഇതിന്റെ ചിത്രം ട്വിറ്റര്‍ വഴി പങ്കുവെച്ചാണ് മോദി വാക്‌സിന്‍ സ്വീകരിച്ച വിവരം അറിയിച്ചത്. ഇന്ത്യയില്‍ നിര്‍മിച്ച കൊവാക്‌സിനാണ് മോദി സ്വീകരിച്ചത്.

യോഗ്യരായ എല്ലാവരും വാക്‌സിന്‍ സ്വീകരിക്കണമെന്നും മോദി അറിയിച്ചു. രാജ്യത്ത് 60 വയസിന് മുകളില്‍ പ്രായമുള്ളവര്‍ക്ക് കൊവിഡ് വാക്‌സിന്‍ വിതരണം ഇന്ന് ആരംഭിക്കുന്ന പശ്ചാത്തലത്തിലാണ് പ്രധാനമന്ത്രിയും വാക്‌സിന്‍ സ്വീകരിച്ചിരിക്കുന്നത്.