24 മണിക്കൂറിനിടെ നാല് ലക്ഷം കൊവിഡ് കേസുകള്‍

ന്യൂയോര്‍ക്ക് | ലോകത്തെ കൊവിഡ് കേസുകള്‍ വലിയ അളവില്‍ ഉയരുന്നു. കഴിഞ്ഞ ദിവസം മൂന്ന് ലക്ഷം കേസുകളാണ് സ്ഥിരീകരിച്ചതെങ്കിലും 24 മണിക്കൂറിനിടെ ഇത് നാല് ലക്ഷമായി. വേല്‍ഡോ മീറ്ററിന്റെ കണക്ക് പ്രകാരം 25.70 ലക്ഷം കൊവിഡ് മരണങ്ങളാണ് ഇതിനകമുണ്ടായത്.

ലോകത്ത് ഏറ്റവും കൂടുതല്‍ കേസുകളുള്ള അമേരിക്കയില്‍ രണ്ട് കോടി തൊണ്ണൂറ്റിനാല് ലക്ഷം പേര്‍ക്കാണ് വൈറസ് ബാധ സ്ഥിരീകരിച്ചത്. അരലക്ഷത്തിലധികം പുതിയ കേസുകള്‍ റിപ്പോര്‍ട്ട് ചെയ്തു. 5.31 ലക്ഷം പേര്‍ മരിച്ചു. രോഗമുക്തി നേടിയവരുടെ എണ്ണം രണ്ട് കോടി കടന്നു.
ഇന്ത്യയില്‍ ഒരു കോടി പതിനൊന്ന് ലക്ഷം കൊവിഡ് ബാധിതരാണ് ഉള്ളത്.17,000ത്തിലധികം പേര്‍ക്കാണ് കഴിഞ്ഞദിവസം രോഗം സ്ഥിരീകരിച്ചത്. നിലവില്‍ 1.70 ലക്ഷം പേരാണ് ചികിത്സയിലുള്ളത്. മരണ സംഖ്യ 1.57 ലക്ഷമായി ഉയര്‍ന്നു.