പൊറോട്ട കഴിച്ചതിലെ തര്‍ക്കം: യുവാവിനെ അടിച്ചുകൊന്നു

കോയമ്പത്തൂര്‍ | അനുവാദമില്ലാതെ തന്റെ പൊറോട്ട എടുത്ത് കഴിച്ചതിന് യുവാവിനെ സുഹൃത്ത് അടിച്ചുകൊന്നു. കോയമ്പത്തൂര്‍ ഇടയര്‍പാളയം ശിവാജി കോളനി ശിവകാമി നഗറില്‍ ജയകുമാര്‍ (25) ആണ് കൊല്ലപ്പെട്ടത്. കൊലപ്പെടുത്തിയ തടാകം റോഡിലെ തൊഴിലാളി വെള്ളിങ്കിരി(51) യെ പോലീസ് അറസ്റ്റ് ചെയ്തു.

ജയകുമാറും കൂട്ടുകാരും തടാകത്തെ ഇഷ്ടിക കളത്തില്‍ മദ്യപിക്കുമ്പോഴാണ് സമീപത്തെ താമസ സ്ഥലത്തിരുന്ന് വെള്ളിങ്കിരി പൊറോട്ട കഴിക്കുന്നത് കണ്ടത്. ജയകുമാര്‍ അനുവാദമില്ലാതെ പാത്രത്തില്‍ നിന്ന് പൊറോട്ടയെടുത്തു കഴിച്ചതിനെ വെള്ളിങ്കിരി ചോദ്യം ചെയ്തു. തുടര്‍ന്ന് ഇരുവരും തമ്മില്‍ വാക്ക്തര്‍ക്കമായി. ഇതിനിടെ സമീപത്ത് നിന്നും ഇഷ്ടികയെടുത്ത് ജയകുമാര്‍ വെള്ളങ്കിരിയെ അടിച്ചു. ഇതില്‍ കൂടുതല്‍ പ്രകോപിതനായ വെള്ളിങ്കിരി മരക്കഷ്ണമെടുത്ത് ജയകുമാറിന്റെ തല്ക്കും ദേഹത്തും പൊതിരെ തല്ലുകയായരുന്നു. ഗുരുതരമായി പരുക്കേറ്റ ജയകുമാര്‍ സംഭവസ്ഥലത്തുവെച്ച് മരണപ്പെട്ടതായി പോലീസ് പറഞ്ഞു.