മർകസ് ഇഹ്റാം വെക്കേഷൻ ക്യാമ്പ് ലോഗോ പ്രകാശനം ചെയ്തു

കോഴിക്കോട് | കാരന്തൂർ മർകസ് ഇഹ്റാമിൽ നടത്തുന്ന പത്ത് ദിവസത്തെ വേനൽ അവധി ക്യാമ്പിന്റെ  ലോഗോ പ്രകാശനം ചെയ്തു. മർകസ് നാൽപത്തിമൂന്നാം വാർഷിക സമാപന സമ്മേളനത്തിൽ മർകസ ജനറൽ മാനേജർ സി മുഹമ്മദ് ഫൈസിയും സയ്യിദ് ശിഹാബുദ്ദീൻ അഹ്ദൽ മുത്തന്നൂരും ചേർന്ന് ആണ് ലോഗോ പ്രകാശനം ചെയ്തത്.

സ്കൂൾ ആറാം തരം മുതൽ പത്താം തരം വരെ പഠിക്കുന്ന വിദ്യാർഥികൾക്കാണ് ക്യാമ്പിൽ പങ്കെടുക്കാൻ അവസരം. കഴിഞ്ഞ അധ്യയന വർഷം ഓൺലൈൻ ക്ലാസുകളിലെ പരിമിതികൾ മറികടന്ന് പ്രധാന വിഷയങ്ങളായ ഇംഗ്ലീഷ്, ഗണിതം, സയൻസ് വിഷയങ്ങളിൽ ഊന്നൽ നൽകുന്നതിന് പുറമെ വിദ്യാർത്ഥികളുടെ വിവിധ തരത്തിലുള്ള കഴിവുകളെ പരിപോഷിപ്പിക്കുകയും ചെയ്യുകയാണ് ക്യാമ്പിൻ്റെ മുഖ്യ ലക്ഷ്യം.

വിശദ വിവരങ്ങൾക്ക് ബന്ധപ്പെടുക: Wa.me/918891000166, Wa.me/918714141122