Kerala
ചാരക്കേസ് ഗൂഢാലോചന: ജയിന്‍ സമിതി റിപ്പോര്‍ട്ട് സമര്‍പ്പിച്ചു
ന്യൂഡല്‍ഹി | ഐ എസ് ആര്‍ ഒ ചാരക്കേസിന് പിന്നിലെ ഗൂഡാലോചന സംബന്ധിച്ച് ജസ്റ്റിസ് ഡി കെ ജയിന്‍ സമിതി സുപ്രീം കോടതയില്‍ റിപ്പോര്‍ട്ട് സമര്‍പ്പിച്ചു. കോണ്‍ഗ്രസിലെ ഗ്രൂപ്പിസത്തിന് പിന്നിലെ ഇരകളായി നമ്പി നാരായണന്‍ അടക്കമുളള്ളവരുടെ പൊതുജീവിതം തകര്‍ത്ത കേസാണ് ഐ എസ് ആര്‍ ഒ ചാരക്കേസ്. കേരള രാഷ്ട്രീയത്തില്‍ വലിയ വിവാദങ്ങള്‍ ഉണ്ടാക്കിയ കേസിന്റെ ഗൂഢാലോചന സംബന്ധിച്ച റിപ്പോര്‍ട്ട് മുദ്രവെച്ച കവറിലാണ് ഡി കെ ജയിന്‍ അധ്യക്ഷനായ സമിതി സമര്‍പ്പിച്ചിരിക്കുന്നത്.
2018 സെപ്റ്റംബറിലാണ് ഐ എസ് ആര്‍ ഒ ചാരകേസിന് പിന്നിലെ ഗൂഡാലോചനയെ കുറിച്ച് അന്വേഷിക്കാന്‍ ജസ്റ്റിസ് ഡി.കെ. ജയിന്‍ അധ്യക്ഷനായ സമിതിക്ക് സുപ്രീം കോടതി രൂപം നല്‍കിയത്. കേന്ദ്ര ആഭ്യന്തര വകുപ്പിലെ മുന്‍ അഡീഷണല്‍ സെക്രട്ടറി ബി കെ പ്രസാദ്, കേരളത്തിലെ മുന്‍ അഡീഷണല്‍ ചീഫ് സെക്രട്ടറി വി എസ് സെന്തില്‍ എന്നിവരാണ് കേന്ദ്ര, സംസ്ഥാന സര്‍ക്കാരുകളുടെ പ്രതിനിധികളായി സമിതിയില്‍ ഉള്ളത്.2020 ഡിസംബര്‍ 14, 15 തീയതികളില്‍ ജസ്റ്റിസ് ജയിന്റെ അധ്യക്ഷതയിലുള്ള സമിതി തിരുവനന്തപുരത്ത് തെളിവെടുപ്പ് നടത്തിയിരുന്നു. നമ്പി നാരായണന്റെ ഭാഗം സമിതി വിശദമായി കേട്ടിരുന്നു.
Latest
പൂരം അലങ്കോലമായി, താന്‍ ഇടപെട്ട് എല്ലാം ശരിയാക്കിയെന്ന അസത്യ വാര്‍ത്ത സുരേഷ് ഗോപി പ്രചരിപ്പിച്ചു; കൊച്ചിന്‍ ദേവസ്വം ബോര്‍ഡിന്റെ റിപ്പോര്‍ട്ട് ഹൈക്കോടതിയില്‍
വയനാട് ദുരന്തത്തെ നിസാരവത്കരിച്ച വി മുരളീധരന്‍ മാപ്പ് പറയണം: ബിനോയ് വിശ്വം
കോഴിക്കോട് മെഡിക്കല്‍ കോളജില്‍ യുവതി ചികിത്സ ലഭിക്കാതെ മരിച്ചെന്ന പരാതി; മനുഷ്യാവകാശ കമ്മിഷന്‍ കേസെടുത്തു
ബാക്കുവില്‍ നടക്കുന്ന കാലാവസ്ഥ വ്യതിയാന ഉച്ചകോടിയില്‍ കയ്യടി നേടി ഇന്ത്യന്‍ അധ്യാപകരുടെ പാഠ്യപദ്ധതികള്‍
ഇന്ത്യ-ആസ്‌ത്രേലിയ ടെസ്റ്റ് പരമ്പര: സവിശേഷതകള്‍, നേട്ടങ്ങള്‍, റെക്കോര്‍ഡുകള്‍
ഇ വി ഷോറൂമിൽ തീപ്പിടുത്തം; ജീവനക്കാരി വെന്തുമരിച്ചു
