Kerala
സംസ്ഥാനത്ത് ലോക്ക്ഡൗൺ ജൂൺ ഒമ്പത് വരെ നീട്ടി
തിരുവനന്തപുരം | സംസ്ഥാനത്ത് ലോക്ക്ഡൗൺ പത്ത് ദിവസത്തേക്ക് കൂടി നീട്ടി. ജൂൺ ഒമ്പത് വരെയാണ് ലോക്ക്ഡൗൺ നീട്ടിയിരിക്കുന്നത്. നിലവിൽ പ്രഖ്യാപിച്ചിരുന്ന ലോക്ക്ഡൗൺ നാളെ അവസാനിരിക്കുകയായിരുന്നു. ഈ പശ്ചാത്തലത്തിലാണ് പത്തു ദിവസത്തേക്കു കൂടി നീട്ടിയത്.
ലോക്ക്ഡൗണിൽ സംസ്ഥാനത്ത് കൂടുതല്‍ ഇളവുകള്‍ അനുവദിക്കാനാണ് സാധ്യത. ഇളവുകള്‍ സംബന്ധിച്ച തീരുമാനം കൊവിഡ് അവലോകന യോഗത്തിനു ശേഷം പ്രഖ്യാപിക്കും. സ്വര്‍ണക്കടകള്‍, ടെക്‌സ്‌റ്റൈലുകള്‍, ചെരിപ്പുകടകള്‍, സ്‌കൂള്‍ കുട്ടികള്‍ക്ക് ആവശ്യമായ വസ്തുക്കള്‍ വില്‍ക്കുന്ന കടകള്‍ എന്നിവ ആഴ്ചയില്‍ ഒന്നോ രണ്ടോ ദിവസം തുറന്നു പ്രവര്‍ത്തിക്കാനുള്ള അനുമതി നല്‍കിയേക്കും.
ഘട്ടം ഘട്ടമായി കൂടുതൽ ഇളവുകൾ നൽകാനാണ് ധാരണ. വ്യവസായ സ്ഥാപനങ്ങള്‍ക്കും പ്രവര്‍ത്തന അനുമതി നല്‍കും. അമ്പത് ശതമാനം ജീവനക്കാരെവെച്ച് വ്യവസായ സ്ഥാപനങ്ങള്‍ പ്രവര്‍ത്തിപ്പിക്കാനുള്ള തീരുമാനവുമുണ്ട്. സ്‌പെയര്‍ പാര്‍ട്ടുകള്‍ വില്‍ക്കുന്ന കടകള്‍ക്കും പ്രവര്‍ത്തിക്കാന്‍ അനുമതി നല്‍കും. കള്ളുഷാപ്പുകള്‍ക്ക് ഭാഗികമായി പ്രവര്‍ത്തിക്കാനുള്ള അനുവാദം നല്‍കാനും സാധ്യതയുണ്ട്. വിവിധ വകുപ്പുകളുടെ അഭിപ്രായം കൂടി കണക്കിലെടുത്ത് ഇളവുകൾ സംബന്ധിച്ച അന്തിമ തീരുമാനം ഉടൻ ഉണ്ടാകും.
Latest
കോട്ടയം നഗരമധ്യത്തില്‍ വന്‍ തീപ്പിടുത്തം
ഉത്തരാഖണ്ഡില്‍ സ്‌കൂള്‍ ക്യാമ്പസിലെ പഴയ മഖ്ബറ തകര്‍ത്തു
പിതാവിനൊപ്പം ചികിത്സക്കെത്തിയ അഞ്ച് വയസുകാരന്‍ കിണറ്റില്‍ ചാടി മരിച്ചു
പോലീസിനെ ആക്രമിച്ച് രക്ഷപ്പെട്ടയാള്‍ പിടിയില്‍; കുറുവ മോഷണ സംഘത്തിലെ അംഗമെന്ന് സംശയം
കാസര്‍കോട് ആളൊഴിഞ്ഞ വീട്ടില്‍ യുവാവും പ്ലസ് ടു വിദ്യാര്‍ഥിനിയും മരിച്ച നിലയില്‍
അപകീര്‍ത്തി പരാമര്‍ശക്കേസ്; ഒളിവിലായിരുന്ന നടി കസ്തൂരി അറസ്റ്റില്‍
