32.36 കോടി പേർക്ക് കൊവിഡ് വാക്‌സീനേഷൻ: ഇന്ത്യ അമേരിക്കയെ മറികടന്നു

Cന്യൂഡല്‍ഹി | ഇതുവരെ നല്‍കിയ കൊവിഡ് വാക്‌സീന്‍ ഡോസുകളുടെ എണ്ണത്തില്‍ ഇന്ത്യ അമേരിക്കയെ മറികടന്നതായി കേന്ദ്ര ആരോഗ്യ മന്ത്രാലയം അറിയിച്ചു. ഇന്ത്യ 32,36,63,297 ഡോസുകളാണ് നല്‍കിയിട്ടുള്ളത്, എന്നാല്‍ അമേരിക്ക 32,33,27,328 ഡോസുകളാണ് കൊടുത്തത്.

അതേസമയം, യുഎസിലെ മുതിര്‍ന്നവരില്‍ 46.5 ശതമാനം പേര്‍ക്ക് പൂര്‍ണ്ണമായി പ്രതിരോധ കുത്തിവയ്പ് നല്‍കിയിട്ടുണ്ടെന്ന് വേള്‍ഡ് ഇന്‍ ഡാറ്റ പ്രകാരമുള്ള കണക്കുകൾ വ്യക്തമാക്കുന്നു. ഇന്ത്യ ഇതുവരെ ജനസംഖ്യയുടെ 25 ശതമാനം പേർക്ക് മാത്രമാണ് വാക്‌സിനേഷന്‍ നല്‍കിയിട്ടുള്ളത്.

ജനുവരി 16 നാണ് ഇന്ത്യ കുത്തിവെപ്പ് ആരംഭിച്ചത്. ഇന്ത്യയില്‍ ഞായറാഴ്ച 17,21,268 വാക്‌സീന്‍ ഡോസുകള്‍ നല്‍കിയിട്ടുണ്ട്.