മുസ്‌ലിം വിരുദ്ധ പരാമര്‍ശം: യു ഡി എഫ് കൊച്ചി മണ്ഡലം ചെയര്‍മാന്‍ രാജിവെച്ചു

കൊച്ചി | മുസ്ലിംങ്ങള്‍ക്കെതിരെ വര്‍ഗീയ പരാമര്‍ശം നടത്തിയ കൊച്ചി നിയോജക മണ്ഡലം ചെയര്‍മാന്‍ അഗസ്റ്റിന്‍ സിറിള്‍ രാജിവെച്ചു. അഗസ്റ്റിന്റെ പരാമര്‍ശത്തിനെതിരെ വ്യാപക പ്രതിഷേധം ഉയര്‍ന്ന സാഹചര്യത്തിലാണ് രാജിയെന്നാണ് സൂചന. ജില്ലാ കോണ്‍ഗ്രസ് കമ്മിറ്റി ജനറല്‍ സെക്രട്ടറിയായി ജോണ്‍ പഴേരിയെ പകരം പുതിയ യുഡിഎഫ് ചെയര്‍മാനായി തിരഞ്ഞെടുത്തു.

കൊച്ചി കോളജിലെ മാനേജ്മെന്റിലേക്ക് കാക്കാന്മാരെ അടുപ്പിക്കരുതെന്നും അത് ദോഷം ചെയ്യുമെന്നുമായിരുന്നു അഗസ്റ്റി സിറിലിന്റെ പരമാര്‍ശം. എന്നാല്‍ തന്റെ പേരില്‍ പ്രചരിക്കുന്ന ശബ്ദ സന്ദേശം വ്യാജമാണെന്നും അതിലെ ചില ഭാഗങ്ങള്‍ എഡിറ്റ് ചെയ്ത് ചേര്‍ത്തതാണെന്നം പിന്നീട് വിശദീകരണ കുറിപ്പുമായി അദ്ദേഹം രംഗത്തെത്തിയിരുന്നു.