ജുഡീഷ്യല്‍ കമ്മീഷന്‍ നിയമനം; ഇ ഡിയുടെ ഹരജി ഹൈക്കോടതി ഇന്ന് പരിഗണിക്കും

കൊച്ചി | ജുഡീഷ്യല്‍ കമ്മീഷന്‍ നിയമനത്തിനെതിരെ എന്‍ഫോഴ്‌സ്‌മെന്റ് ഡയറക്ടറേറ്റ് നല്‍കിയ ഹരജി ഹൈക്കോടതി ഇന്ന് പരിഗണിക്കും. ഇഡിക്കെതിരായ ആരോപണങ്ങള്‍ അന്വേഷിക്കുന്നതിനായി റിട്ടയേഡ് ജസ്റ്റിസ് വി കെ മോഹനനെ കമ്മീഷനായി നിയമിച്ച സര്‍ക്കാര്‍ നടപടി അസാധുവാക്കണം എന്നാണ് ഹരജിയിലെ ആവശ്യം.

കേന്ദ്ര ഏജന്‍സിക്കെതിരെ ജുഡീഷ്യല്‍ കമ്മീഷനെ നിയമിക്കാന്‍ സംസ്ഥാന സര്‍ക്കാരിന് അധികാരമില്ല.മുഖ്യമന്ത്രി ഒദ്യോഗിക പദവി ദുരൂപയോഗം ചെയ്താണ് ഇത് സംബന്ധിച്ച് ഉത്തരവിറക്കിയതെന്നും ഹരജിയില്‍ പറയുന്നു. മുഖ്യമന്ത്രിക്കും ഓഫീസിനും എതിരായ അന്വേഷണം അട്ടിമറിക്കാനാണ് ജുഡീഷ്യല്‍ കമ്മീഷനെ നിയമിച്ചത്. സര്‍ക്കാര്‍ നടപടി ഫെഡറല്‍ സംവിധാനത്തിന് വിരുദ്ധമാണെന്നും ഹരജിയില്‍ പറയുന്നു