ഹെയ്തിയില്‍ വിമാനം തകര്‍ന്ന് രണ്ട് അമേരിക്കക്കാര്‍ ഉള്‍പ്പെടെ ആറ് മരണം

ഹെയ്തി | ഹെയ്തിയുടെ തലസ്ഥാനമായ പോര്‍ട്ട ഔ പ്രിന്‍സില്‍ സ്വകാര്യ വിമാനം തകര്‍ന്ന് രണ്ട് അമേരിക്കന്‍ മിഷണറിമാര്‍ ഉള്‍പ്പടെ ആറ് പേര്‍ മരിച്ചു. വെള്ളിയാഴ്ച വൈകുന്നേരത്തോടെ ഹെയ്തിയുടെ തെക്കന്‍ തീരത്തുള്ള ജാക്‌മെലേക്ക് പുറപ്പെട്ട വിമാനമാണ് അപകടത്തില്‍പ്പെട്ടത്.

അമേരിക്കക്കാരായ ട്രെന്റ് ഹോസ്റ്റെല്‍ട്ടര്‍ (35), ജോണ്‍ മില്ലര്‍ (43) എന്നിവരാണ് മരിച്ച മിഷണറിമാരെന്ന് യുഎസ് ആസ്ഥാനമായുള്ള മിഷനറി സംഘടനയായ ഗോസ്പല്‍ ടു ഹെയ്തി തങ്ങളുടെ ഫേസ്ബുക്ക് പേജില്‍ പറഞ്ഞു. രണ്ടു വിമാനങ്ങളിലായാണ് ഇവര്‍ യാത്ര ചെയ്തത്. രണ്ടാമത്തെ വിമാനത്തില്‍ ഹോസ്റ്റെല്‍ട്ടറുടെ ഭാര്യയും മക്കളും യാത്ര ചെയ്തിരുന്നു.

എത്തേണ്ടിയിരുന്ന സമയത്ത് വിമാനം ലാന്‍ഡ് ചെയ്യാതിരുന്നതോടെ നടത്തിയ അന്വേഷണത്തിലാണ് അപകടവിവരം പുറത്തറിഞ്ഞത്. അപകട കാരണം വ്യക്തമല്ല