വെങ്കല മെഡല്‍ പോലും നേടാനാകാതെ ജോക്കോവിച്ച്

ടോക്യോ | ഒളിമ്പിക്‌സില്‍ പുരുഷ വിഭാഗം സിംഗിള്‍സില്‍ വെങ്കലമെഡല്‍ പോലും നേടാനാകാതെ ലോക ഒന്നാം നമ്പര്‍ താരം നൊവാക് ജോക്കോവിച്ച് മടങ്ങുന്നു. സെമിയിലെ തോല്‍വിക്ക് പിന്നാലെ വെങ്കല മെഡലിനായുള്ള പോരാട്ടത്തില്‍ സ്പെയിന്‍ താരം കരേനോ ബുസ്തയോടാണ് സെര്‍ബിയയുടെ സൂപ്പര്‍ താരം അടിയറവ് പറഞ്ഞത്. സ്‌കോര്‍; 4-6, 7-6, 3-6. എന്ന സ്‌കോറിനാണ് ലോക ഒന്നാം നമ്പര്‍ താരം ജോക്കോവിച്ച് പരാജയപ്പെടുന്നത്.

ഇരുപത് വട്ടം ഗ്രാന്‍ഡ് സ്ലാം കിരീടം നേടിയ ജോക്കോവിച്ചിന് 2008 ബെയ്ജിംഗില്‍ നേടിയ ഏക വെങ്കല മെഡലാണ് ഒളിമ്പിക്സില്‍ സ്വന്തമായുള്ളത്. മിക്സഡ് ഡബിള്‍സ് സെമിയിലും ജോക്കോവിച്ച്- നിനാ സ്റ്റജനോവിക്ക് സഖ്യം പരാജയപ്പെട്ടിരുന്നു. മികസഡ് ഡബിള്‍സില്‍ വെങ്കല മെഡലിന് വേണ്ടിയുള്ള മത്സരത്തില്‍ സഖ്യം ആസ്േ്രതലിയന്‍ സഖ്യത്തെ നേരിടും.